30.7.05

Feira do libro da Coruña

O luns comeza a Feira do Libro da Coruña. O programa desta ano é moi atractivo e, quizais, o máis denso de actos dos últimos anos. Ademais das presentacións (case dúas cada día) e asinaturas, este ano destaca, o día 8 de agosto, a realización en directo do programa El ojo crítico de Radio Nacional. Mágoa que os medios públicos galegos non emulasen esta iniciativa. A presenza dos medios de comunicación nas feiras do libro é unha das vías máis interesantes para a súa promoción. Agardo que esta vía vaia consolidándose en futuras edicións e noutras localidades.

Marcadores:

1 Comments:

Blogger Martin Pawley said...

Grazas por conducirnos até o programa da "Feira do Libro" antes de ir á propia Feira. Os contidos son, mais ou menos, os de sempre: o "star-system" da nosa literatura, de presenza obrigada, e logo algunhas desas presentacións tipicamente coruñesas, do tipo "Galeones y naufragios en la Coruña del siglo XVII". Boto en falta algo de imaxinación, aínda que recoñezo que o mes de agosto non debe ser o mellor para organizar cousas destas. Un exercicio sempre útil é o de reparar en que librerías participan na Feira e cales non, combinado con ese tan divertido de descubrir que hai librerías que parecen existir tan só durante as Feiras.

10:37 PM  

Postar um comentário

<< Home