Morreu Carlos Díaz Martínez
![](https://blogger.googleusercontent.com/img/b/R29vZ2xl/AVvXsEgMuIE9bGIOVZVink__7O49iXgQCCxQ9-2RPoqXlVMoPl7UPPZfhAccTWxVNThyphenhyphengrLewoW3NWg-XfL9EAM2TUKZo8pZfyccUvqxxsn4O8dKADvZXqde_ouv_uPEtpxP6Z6SC6P0wg/s200/20213713.jpg)
Editor emigrante, ocupouse da edición príncipe de Cemiterio privado de Celso Emilio Ferreiro e de tantas outras iniciativas culturais e políticas da Galicia desterrada durante a Ditadura. Xa en Galicia teimou por enriquececer co seu coñecemento os proxectos editoriais d' A Nosa Terra, Espiral Maior, Artesa (ese obradoiro de beleza e poesía) e de Xerais (onde dirixía dende hai unha década a nosa liña de Álbums de postais, nun traballo de recuperación de memoria gráfica das cidades e vilas do país do que nos sentimos tan orgullosos).
Carlos era un editor artesán, minucioso, comprometido coa fasquía do libro coma síntese da expresión cultural. Haberá ocasións de recoñecer devagariño a obra que nos deixa para a memoria. Mañá na Coruña será incinerado na intimidade, como quere a familia. Hoxe todas as nosas beizóns para el e para os seus, desgarrados por tan terrible perda. Que a Terra dos teus soños che sexa leve, compañeiro!
Actualización (08-04-2007): No artigo da semana recordo a figura de Carlos.
Etiquetas: Carlos_Díaz_Martínez
Marcadores: Artigos Faro de Vigo, Campo de Granada, In memoriam
1 Comments:
Beizón a Carlos Díaz pola súa colaboración e amizade.
Asociación Arraianos
Postar um comentário
<< Home