Cuestionario Proust

Aínda que non gosto moito das cadeas, a amiga Peke convídame contestalo. Vai entón con enorme pudor:
1.- O principal trazo do meu carácter? A paciencia.
2.- A calidade que prefiro nun home? A intelixencia, a vontade e a tenrura.
3.- A calidade que prefiro nunha muller? A intelixencia, a vontade e a tenrura.
4.- O que máis aprezo nos meus amigos? A sinceridade.
5.- O meu principal defecto? A dispersión, querer facer máis do que podo.
6.- A miña ocupación favorita? Ler e escribir.
7.- O meu soño de dita? Que un dos nosos autores ou autoras reciba un premio internacional moi destacado pola súa obra literaria na nosa lingua.
8.- Cal sería a miña maior desgraza? Perder aos meus.
9.- Que quixera ser? Síntome un privilexiado por realizar o traballo de editor.
10.- Onde desexaría vivir? En Vigo, onde vivo e onde nacín.
11.- A cor que prefiro? Azul celeste.
12.- A flor que prefiro? A camelia.
13.- O paxaro que prefiro? A andoriña.
14.- Os meus autores preferidos en prosa? Ademais dos autores e autoras galegos que edito, Rafael Dieste, Carlos Casares, Anxo Rei Ballesteros, Bernardo Atxaga, Julio Cortázar, Paul Auster, McEwan, Tabucchi, Jean Echenoz, Bernhard, Vila-Matas, Eduardo Mendoza e moitos moitos máis…
15.- Os meus poetas preferidos? Federico García Lorca, Ramiro Fonte, Antonio Gamoneda, Ángel Valente…
16.- Os meus heroes de ficción? Salvo Montalbano de Camillieri e o detective Brunetti de Donna León.
17.- As miñas heroínas de ficción? Hélène Jans de Teresa Moure.
18.- Os meus compositores preferidos? J.S.Bach, Enrique X. Macías e Bod Dylan.
19.- Os meus pintores predilectos? Colmeiro, Menchu Lamas, Antón Patiño, Antón Sobral, Guillermo Monroy, Xosé Freixanes, Lázaro Enríquez…
20.- Os meus heroes da vida real? Admiro a xenerosidade dos sanitarios e de todas as persoas que se ocupan dos coidados persoais a outros seres humanos.
21.- As miñas heroínas históricas? Rosalía de Castro no seu tempo, ademais das sufraxistas e tantas mulleres anónimas que termaron de si mesmas.
22.- Os meus nomes favoritos? Fiz, María.
23.- Que detesto máis ca nada? A intrasixencia e a envexa.
24.- Que caracteres históricos desprezo máis? O de todos os ditadores.
25.- Que feito militar admiro máis? Creo que ningún.
26.- Que reforma admiro máis? A da educación e a da sanidade para todos.
27.- Que dons naturais quixera ter? Confórme cos que teño (se teño algún). Asumo as limitacións que temos.
28.- Como me gustaría morrer? Consciente e acompañado polas persoas que me queren.
29.- Estado presente do meu espírito? Esperanzado.
30.- Feitos que me inspiran máis indulxencia? Esa vanidade “tan humana”.
31.- O meu lema? "Aposta pola hipótese máis favorable en cada momento."

Etiquetas: Cuestionario_Proust