25.5.08

Editorial Cíes e Marcial Lafuente Estefanía



No suplemento "Estela" (do dominical de Faro de Vigo), J. A. Otero Ricart publica unha interesantísima reportaxe sobre a Editorial Cíes, fundada en Vigo en 1941 por Eugenio Barrientos, o daquela propietario da libraría Tetilla, e destinada a edición de publicacións populares. Barrientos comezou publicando novelas policiais, mais consolidou a súa actividade (durante máis dunha década) coas novelas de vaqueiros de Marcial L. Estefanía, un escritor republicano que se asentou daquela nas Travesas (do que actualmente se prepara un documental). Na reportaxe, da man de Federico, o fillo de Estefanía (actual propietario de Cíes), relátase aquela interesante peripecia editorial da que tiñamos noticia polos traballos de Francisco Fernández del Riego. Para a recuperación da memoria da edición en Galicia, conviría seguir afondando no traballo desenvolvido por Barrientos que, ademais, das populares novelas de vaqueiros publicaba textos de literatura xuvenil de rancio sabor franquista (dos que temos só noticias dalgún título da súa colección "Amenus"). Seguiremos procurando noticias de Cíes.

Clicando sobre as imaxes pode lerse a reportaxe.

Marcadores: ,

5 Comments:

Anonymous arume dos piñeiros said...

Unha historia fascinante.

1:08 PM  
Blogger filomeno2006 said...

Don Marcial Lafuente Estefanía, paisano de Don Mariano Fernández Bermejo, tenía mucha simpatía hacia Galicia, era amigo de un gran Abogado Fiscal Gallego.

8:09 PM  
Blogger pablo said...

Amigo Filomeno... donde andas?

7:57 PM  
Blogger filomeno2006 said...

Este comentário foi removido pelo autor.

11:05 PM  
Blogger filomeno2006 said...

Hombre, Don Pablo, siempre gusta encontrar un amigo en la Net.
Un abrazo.

11:05 PM  

Postar um comentário

<< Home