9.1.09

«Palabras maiores», libros electrónicos de Carmen Balcells

Esta anotación de onte de José Antonio Millán non pode pasar desapercibida. Carmen Balcells, a gran axente catalana, promove «Palabras maiores», unha colección de libros electrónicos dalgúns autores que xestiona a axencia, editados por Leer-e, unha empresa navarra que ata agora se dedicada só á distribución de e-books. Cada un dos títulos (o catálogo total recolle máis de seiscentas referencias) pode descargarse por prezos sempre inferiores aos cinco euros. Ademais de poder descargarse dende a rede, o sistema de venda de Leer-e contempla a implicación, polo momento, de 18 librarías. «Palabras maiores» é unha experiencia de distribución de libro electrónico en España chamada a converterse en referente (para emular, mellorar, modificar...).

Marcadores: , ,

7 Comments:

Blogger Manuel Ángel Candelas Colodrón said...

Vina onte. Son, en efecto, palabras (moi) maiores.

8:49 AM  
Anonymous Anônimo said...

En cinco anos, cinco, acabouse a industria editorial, que non os contos e as novelas. Como rematou a industria discográfica e non a música, como finou a industria do porno pero se segue a foder.

9:44 AM  
Anonymous Anônimo said...

Ao menos, o libro de consulta si está caput.
E o de texto.

Nalgúns colexios fineses estase a probar un lector electrónico específico, un dispositivo único onde collen todos os libros de texto e o material de consulta que precisa un rapaz ou rapaza en toda a súa vida de estudante.

Segundo o artigo de Carlos Callón en Galicia Hoxe da semana pasada que vostede gabou: "É abrumadora a dependencia -do sector editorial galego- do sistema educativo, tanto no período de compra (as vendas en Galiza dispáranse a comezos do curso) como no seu peso, que é case o 50% do total, sen contarmos a literatura infantil e xuvenil recomendada".

Se as dúas premisas son certas, faga vostede o siloxismo.

10:02 AM  
Anonymous Anônimo said...

http://www.agirregabiria.net/mikel/2004/predicciones.htm

Saúdos!

6:43 PM  
Anonymous Anônimo said...

Lamentablemente, isto no son prediccións:

http://www.elperiodico.com/default.asp?idpublicacio_PK=46&idioma=CAS&idnoticia_PK=575696&idseccio_PK=1013&h=

http://eleconomista.com.mx/notas-online/negocios/2009/01/02/ventas-industria-discografica-caida-libre

http://www.europasur.es/article/ocio/311581/no/hay/vuelta/atras.html

http://www.clarin.com/diario/2009/01/09/elmundo/i-01836036.htm

6:57 PM  
Anonymous Anônimo said...

Por unha banda, os amantes do libro en papel aínda somos moitos, pero cercanos á madurez, iso si; hai que achegarse a xeracións novas (que non novas xeracións, eses non len) para atopar maiorías que lean comodamente en pantallas.

Por outra, creo que a ninguén obrigan a mercar música determinada. Si, pola contra, a mercar libros determinados cando estudia ou os fillos estudian. Ademáis existe dunha maneira moito máis clara no ámbito docente que na música o concepto de "autoridade". Así que o proceso será por forza máis lento. Que acabe sucedendo é moi posible, pero establecer prazos concretos é digno de sabelotodos coma min.

Como terceiro aporte para un razoamento predictivo distinto podemos dicir que o 80% dos señores que se dedican ó mercado do libro en Galicia e en galego son tamén persoas do ámbito docente, con todo o bo e o malo que supón.

¿Segue mantendo, compañeira Lola, o dos cinco anos? ¿Apostamos un 905?

11:54 AM  
Anonymous Anônimo said...

A min paréceme curioso o que se comenta nesta noticia sobre "impresoras ultrarrápidas" e encuadernación caseira:

http://www.elpais.com/articulo/cultura/edicion/EE/UU/busca/salida/elpepucul/20090112elpepicul_2/Tes

¿Que lle parece ó blogueiro, que é o que sabe?

5:08 PM  

Postar um comentário

<< Home