15.3.07

Mensaxe nunha botella

Cada vez estou máis interesado polos blogs escolares. Este do IES de Cambre seméllame un dos máis conseguidos e traballados dos que coñezo. Elaborado polo grupo de Técnicas de expresión escrita de 4º de ESO (unha materia optativa, que desaparece no novo currículo da LOE), o blog ten un carácter multimodal de moito agradecer; publica un audioblogue, vídeos, música e unhas anotacións textuais ben xeitosas e ben escritas. A utilización dos blogs como ferramenta didáctica, aspecto que aborda con frecuencia Tíscar e especificamente Sonia Bertocchi, está aínda comezando entre nós. Ben sabemos que hai experiencias moi interesantes como Aula Galicia ou A nosa biblioteca, mais aínda carecemos dun espazo común (polo menos no que eu acado), unha rede de blogs escolares que permita o intercambio e a comunicación entre todos eles (sei que hai moitos máis dos que aparecen nas relacións do blogomillo). Un vieiro a desenvolver.

Marcadores: ,

5 Comments:

Blogger Sônia said...

Brétemas, obrigada pela citação do Lousa Digital e pelas fontes oferecidas nesta mensagem. Vou visitar todos os blogs citados.
Abraço grande da blogueira brasileira.

Sônia Bertocchi
desde São Paulo

11:43 PM  
Anonymous Anônimo said...

O blog de A nosa biblioteca é para min o mellor exemplo de biblioteca 2.0, é admirable o traballo que estan a facer os seus responsables.

Ademais, uns dos seus maximos impulsores, Antonio, está a traballar na creación dunha rede de blogs de bibliotecas escolares

11:52 PM  
Blogger Brétemas said...

Grazas, catuxa. Procurei ese enlace e non o daba atopado. Así tecemos a rede.

8:16 AM  
Anonymous Anônimo said...

Hehehe, vexo que vostede tamén recibiu a chamada de sHs...

1:48 PM  
Blogger Xoán said...

En nome do alumnado de Técnicas de expresión escrita do IES David Buján de Cambre, agradézolle as súas amábeis palabras que nos motivan e que nos animan a seguir. Convido aos seus lectores a que visiten e comenten os cadernos dos alumnos que son, sen dúbida, o mellor do noso traballo.
Saúdos.

11:30 PM  

Postar um comentário

<< Home