22.12.08

Ler fainos máis grandes

O noso amigo o editor Joan Carles Girbés é o autor de Guia práctica para fer fills lectors, unha guía concibida para o fomento dos hábitos lectores dentro da familia, da que en Cataluña se levan repartidos xa oitocentos mil exemplares. Bravo, Joan Carles!
Un libro onde aparecen, ademais, eses DEZ CONSELLOS INFALIBLES PARA QUE OS NENOS E AS NENAS ODIEN OS LIBROS:
1.- Cando empecen a ler en voz alta, interrómpeos constantemente para marcar os seus erros...
A ti tamén se che sacarían as ganas de seguir lendo.
2.- Obrígaos a ler...
Nada máis eficiente que un simple monosílabo, le! para conseguir o efecto contrario.
3.- Menospreza os seus gustos e non respectes o seu criterio...
Que é mellor, que lean o que lles gusta ou que non lean?
4.- Imponlles lecturas...
Esa novela que tanto che gustou á súa idade non ten por que ser do seu agrado.
5.- Pídelles que che fagan un resumo...
Non deixes que asocien os libros cos deberes.
6.- Controla todo o que len...
Interesarse non significa examinalos e interrogalos.
7.- Lémbralles os beneficios de ler...
Dille: os nenos que len sacan mellores notas, coma o teu amigo. Así o rapaz ou a rapaza perderá as ganas de ler e collerá manía ao amigo.
8.- Relaciona os libros só cos deberes...
Un libro non debe ser só un instrumento para aprender cousas.
9.- Castígaos sen tele por non ler...
En ver de converter a tele no noso aliado, preguntándolle, por exemplo, cantos filmes infantís baséanse en libros?
10.- Esíxelles lecturas non axeitadas.
Non por se bo e correcto, un libro debe ser axeitado á súa idade ou ao seu estado madurativo.
(Tradución galega: Trafegando ronseis; castelá: ediciona)


Esta iniciativa modesta de popularización do hábito da lectura no seo da familia, con motivo do Nadal, ben podería ser emulada en Galicia. A relación entre custo e rendabilidade social e cultural é óptima. Beizóns para Joan Carles!

Marcadores: ,

4 Comments:

Anonymous Catuxa said...

Xenial, ideal para facer un poster! Recordame ao famoso decálogo de Pennac.

12:00 PM  
Anonymous dedoscomovermes said...

... e mui semelhante às ONCE ESTRATÉGIAS EFICAZES PARA CONSEGUIR QUE AS CRIANÇAS NOM LEIAM, escrito por Fernández Paz há bem de anos...

1:47 PM  
Blogger Tirant al cap said...

¡Muchas gracias, Manolo, por el post! Y me alegra muchísimo, tal como indica dedoscomovermes haber coincidido con Agustín. ¡Sería fantástico recuperar su listado!
Por cierto, si alguien recoge el guante, los derechos de traducción están disponibles...
¡Felices fiestas!

1:59 PM  
Anonymous dedoscomovermes said...

a sua listagem está disponhível: LER EN GALEGO (I).ir indo edicións. Vigo, atençom: 1990!!

11:47 PM  

Postar um comentário

<< Home